SOMA MAMBO MAKUBWA KUHUSU MTOTO ALIYEFICHWA NDANI YA BOKSI MIAKA MITATU

WAKATI bado wananchi wakiwa wanajiuliza kilichosababisha mama mkubwa wa mtoto Nasra Mvungi kumficha binti huyo mwenye miaka minne ndani ya boksi, makubwa yameibuka kuhusu chanzo hasa cha malezi hayo ya kudhalilisha.

 Mtoto aliyedaiwa kuishi ndani ya biksi kwa miaka mitatu akiwa na baba yake na kati ni Mama mkubwa wa mtoto huyo Nasra Mvungi anayedaiwa kufanya kitendo hicho.

 Mama mkubwa wa mtoto huyo Nasra Mvungi anayedaiwa kumficha mtoto huyo ndani ya boksi

 Tukio hilo la aina yake lilitolea wiki iliyopita katika mtaa wa Azimio, Kata ya Kiwanja cha Ndege mkoani hapa ambako wananchi walikwenda hadi  nyumbani kwa Mariam Said na mumewe Mtonga Omari na kuwafikisha Kituo Kikuu cha Polisi Morogoro (Central Police)  wakipinga mama huyo kumtesa mtoto huyo anayedaiwa kuwa na ulemavu wa viungo.
Zoezi hilo lilifanyika Jumanne wiki hii, saa saba mchana ambapo wananchi hao wakiongozwa na  mwenyekiti  wa  serikali ya mtaa huo, Tatu Mgagala walivamia nyumba hiyo na kumkuta mtoto huyo Nasra Rashid akiwa stoo, ndani ya boksi huku mwili wake ukiwa na mabaka  meusi, ikiashiria kutoogeshwa kwa muda mrefu.

 Nasra Mvungi akiwa chini ya ulinzi wa polisi

 “lnauma sana, huyo mama na mumewe wanamtesa mtoto huyo kwa kumlaza stoo kwenye boksi huku wakimlisha makombo, binafsi nilikuwa sifahamu unyama huu, baadhi ya wananchi wangu wanaoishi jirani na familia hiyo walikuja kwangu na kunieleza na mimi nikawataka twende wote nikashuhudie,” alisema mwenyekiti huyo.
Walipomuuliza mwanamke huyo, alisema aliamua kumweka mtoto wa mdogo wake stoo kutokana na baba mzazi kukataa kutoa fedha za matunzo, jambo lililomkasirisha mume wake.

 Baba mzazi wa mtoto huyo, Rashid Mvungi aliyejitambulisha kama Afisa Ufundi ldara ya Elimu katika Halmashauri ya Mkoa wa Morogoro Vijijini ‘DED’ alikiri kumtambua Nasra na kutoa sababu za kushindwa kumlea ni kuogopa familia yake kwani binti huyo yalikuwa ni matokeo ya mchepuko.
“Tulikubaliana na familia ya marehemu mzazi mwenzangu kuwa mama yake mkubwa amtunze hadi atakapokuwa mkubwa, lakini nilikuwa sijui kama anaishi katika mazingira kama haya,” alisema.