Siku chache baada ya kifo cha muigizaji maarufu Adam Kuambiana, huku tasnia ya filamu na taifa kwa ujumla likiwa halijasahau machungu ya kumpoteza nguli huyo wa filamu nchini, baadhi ya watu wameibuka na kudai kwamba kifo cha msanii huyo kinahusishwa na taasisi inayodaiwa kuwa ya siri ya Freemason.
Akiongea bila kutaja jina lake mkazi mmoja wa Mikocheni Dar Es Salaam alisema kwa jinsi marehemu alivyopenda kutumia baadhi ya vitu vinavyofanana na vile vitumiwavyo na wafuasi wa freemason kwa vyovyote lolote linawezekana katika kifo chake cha utata.
Mkazi mwingine wa Sinza akizungumzia pete ya marehemu Kuambiana ambayo alikuwa akionekana nayo siku chache kabla ya kifo chake alisema kwamba ana mashaka kuna jambo limejificha nyuma ya pazia na ni marehemu pekee ndiye anaweza kujua ukweli wa mambo.
Hata hivyo mwandishi wa blogu hii hakuweza kupata taarifa za uthibisho wa marehemu kujihusisha ama kutojihusha na kundi hilo la siri. Sisi Udaku Mixer, tunachukulia hizo ni habari za mitaani hasa kufuatia umaarufu wa marehemu Kuambiana.
No comments:
Post a Comment